இந்த ஆண்டின் மிகப்பெரிய எதிர்பார்ப்புக்குரிய திரைப்படமாக அமைந்துள்ளது விஜய் நடித்துள்ள லியோ. இந்த படத்தை லோகேஷ் கனகராஜ் இயக்க, லலித்குமார் தயாரித்துள்ளார். இந்த படத்தில் விஜய்யுடன் அர்ஜுன், சஞ்சய் தத், திரிஷா என ஏகப்பட்ட முன்னணி நடிகர்கள் நடித்துள்ளனர். படத்தின் ரன்னிங் டைம் பற்றிய தகவல் வெளியாகியுள்ளது. படம் 2 மணிநேரம் 39 நிமிடங்கள் ஓடும் என சொல்லப்படுகிறது.
லியோ திரைப்படம் அக்டோபர் 19 ஆம் தேதி உலகமெங்கும் ரிலீஸாக உள்ளது. இந்த படத்துக்கான போஸ்ட் புரொடக்ஷன் பணிகள் தற்போது நடந்து வருகின்றன. இந்தியாவைப் போலவே இந்த படத்துக்கு தமிழர்கள் அதிகம் வாழும் வெளிநாடுகளிலும் மிகப்பெரிய எதிர்பார்ப்பு நிலவுகிறது.
இந்நிலையில் அமெரிக்காவில் இந்த படம் ஒருநாள் முன்பாக அக்டோபர் 18 ஆம் தேதி மாலை 6.30 மணிக்கே பிரீமியர் ஷோ வெளியாகும் என சொல்லப்படுகிறது.