கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படம் தொடங்கப்பட்டு நான்கு ஆண்டுகளுக்கு மேலாகியும் இன்னும் ரிலீஸாகவில்லை. படப்பிடிப்புத் தளத்தில் நடந்த விபத்துக் காரணமாக மூன்று பேர் உயிரிழந்ததை அடுத்து படப்பிடிப்பு நிறுத்தப்பட்டது. அந்த பிரச்சனைகளை எல்லாம் கடந்து, தற்போது இந்த படத்தை இயக்கி வருகிறார் ஷங்கர். இப்போது இந்தியன் 2 ஷூட்டிங் சென்னையில் நடந்து வரும் நிலையில் கிட்டத்தட்ட ஒருமாதம் இங்கு ஷூட்டிங் நடக்க உள்ளதாக தகவல்கள் வெளியாகியுள்ளன. இந்த ஷூட்டிங் நிறைவடையும் போது கிட்டத்தட்ட 90 சதவீத படப்பிடிப்பு நிறைவடைந்திருக்கும் என தகவல்கள் வெளியாகியுள்ளன.
இந்நிலையில் கமல்ஹாசனின் முந்தைய படமான விக்ரம் ஹிட்டின் மூலமாக இந்த படத்துக்கு மிகப்பெரிய எதிர்பார்ப்பு உருவாகியுள்ளது. அதனால் பேன் இந்தியா முழுவதும் இந்த படத்தின் மீதான கவனத்தை உருவாக்கும் விதமாக இப்போது புதிதாக 7 நடிகர்களைப் படத்தில் இணைத்துள்ளது படக்குழு.
சமுத்திரக்கனி, ஜெயப்பிரகாஷ், பாபி சிம்ஹா, குரு சோமசுந்தரம், மாரிமுத்து மற்றும் வெண்ணிலா கிஷோர் ஆகியோர் படத்தில் இணைந்து முக்கிய வேடத்தில் நடிக்க உள்ளதாக சொல்லப்படுகிறது.