ட்விட்டரில் கணிசமான பங்குகளை வாங்கிய எலான் மஸ்க்கிற்கு நிர்வாக குழுவில் இடம் அளிக்கப்படவில்லை என ட்விட்டர் தெரிவித்துள்ளது.
டெஸ்லா கார் நிறுவனம், ஸ்பேஸ் எக்ஸ் விண்வெளி ஆராய்ச்சி மையம் உள்ளிட்டவற்றின் நிறுவனர் எலான் மஸ்க். உலக கோடீஸ்வரர்களில் முதலிடத்தில் உள்ள எலான் மஸ்க் சமீபத்தில் பிரபல சமூக வலைதளமான ட்விட்டரில் 9 சதவீத பங்குகளை வாங்கினார்.
இதனால் ட்விட்டர் நிர்வாக குழுவில் எலான் மஸ்க் இணைவாரா என்பது குறித்த விவாதங்கள் எழுந்த நிலையில் நிர்வாக குழுவில் எலான் மஸ்க் இடம்பெறுவார் என ட்விட்டர் தெரிவித்திருந்தது. ஆனால் அதை எலான் மஸ்க் மறுத்துள்ளதால் அவருக்கு நிர்வாக குழுவில் இடம் அளிக்கப்படவில்லை என தகவல்கள் வெளியாகியுள்ளது.