பிசாசு 2 படத்தில் இணைந்து பணியாற்றிய மிஷ்கின் மற்றும் விஜய் சேதுபதி இப்போது ஒரு முழுநீளப் படத்தில் இணைந்து பணியாற்ற உள்ளனர். இந்த படத்தை கலைப்புலி எஸ் தாணு தயாரிக்கிறார். இந்த படத்தின் ஷூட்டிங் சில நாட்களுக்கு முன்னர் சென்னையில் தொடங்கியது.
சென்னையில் உள்ள ஒரு ஸ்டுடியோவில் ட்ரெயின் செட் ஒன்று அமைக்கப்பட்டு அதில் முக்கியமானக் காட்சிகளை படமாக்கினார் இயக்குனர் மிஷ்கின். இந்த படத்துக்கு இயக்குனர் மிஷ்கினே இசையமைக்கிறார். பௌசியா ஒளிப்பதிவாளராக பணியாற்றுகிறார். படத்தில் நாசர் வில்லனாக நடிக்கிறார். மேட்டுப் பாளையத்தில் இருந்து சென்னை வரும் டிரெயினில் நடக்கும் சம்பவங்களே திரைக்கதையாக அமைக்கப்பட்டுள்ளதாக சொல்லப்படுகிறது.
இந்நிலையில் சென்னையில் அமைக்கப்பட்டிருந்த செட் எடுக்க வேண்டிய அனைத்துக் காட்சிகளையும் படக்குழு படமாக்கி முடித்துவிட்டதாம். அடுத்தகட்டமாக மேட்டுப்பாளையத்தில் சில காட்சிகளை படமாக்க திட்டமிட்டுள்ளாராம் மிஷ்கின். இதற்கான வேலைகள் தற்போது தொடங்கி நடந்து வருவதாக சொல்லப்படுகிறது.