முழு நேர அரசியலில் ஆக்டிவாக இருந்து வரும் உதயநிதி அதிமுக அரசை கடுமையாக விமர்சித்து வருவது தெரிந்ததே.
தமிழகத்தில் அடுத்த ஆண்டு மே மாதம் சட்டப்பேரவை தேர்தல் நடக்க உள்ளது. இதையடுத்து அனைத்துக் கட்சிகளும் தங்கள் தேர்தல் பிரச்சார உத்திகளை வகுத்து வருகின்றனர். திமுகவில் உதயநிதி ஸ்டாலின் முன்னிலை படுத்தப்பட்டு வரும் நிலையில் இந்த தேர்தலில் அவருக்கு சீட் கிடைக்கும் என எதிர்பார்க்கப்படுகிறது.
இந்நிலையில் உதயநிதி ஸ்டாலின் தனது ட்விட்டர் பக்கத்தில், நாமக்கல் கிழக்கு மாவட்ட து.செயலாள-மாவட்ட கவுன்சிலர் அக்கா விமலா சிவக்குமார் இல்ல திருமண விழாவை நடத்திவைத்தேன். பாஜக - அதிமுக கூட்டணி போல் ஒருவர் மற்றொருவருக்கு அடிமையாக இல்லாமல் விட்டுக்கொடுத்து சுதந்திரமாக வாழுங்கள் என்று மணமக்கள் வெங்கட்ரமணன் - ராதிகாவை வாழ்த்தினேன் என பதிவிட்டுள்ளார்.
லாக்டவுன் காலத்தில் முழு நேர அரசியலில் ஆக்டிவாக இருந்து வரும் உதயநிதி அதிமுக அரசை கடுமையாக விமர்சித்து வருவது தெரிந்ததே. ஆனால், மணமக்களை வாழ்த்தும் பொழுதும் பாஜக - அதிமுகவை விமர்சித்து வாழ்த்து தெரிவிப்பார் என யாரும் எதிர்ப்பார்க்கவில்லை.