நடிகரும் ஸ்டாண்ட் அப் காமெடியனுமான குனால் கம்ரா வெளியிட்ட டிவீட்களில் உச்சநீதிமன்றத்தில் பாஜக கொடி பறப்பது போலவும், உச்சநீதிமன்றமே காவி நிறமாக இருப்பது போலவும் டிவீட் செய்து சர்ச்சையைக் கிளப்பியிருந்தார். இந்நிலையில் அவரது செயல்கள் நீதிமன்றத்தை அவமதிக்கும் விதமாக அமைந்துள்ளதாக பலரும் அட்டர்னி ஜெனரல் அலுவலகத்திற்கு கடிதம் எழுதியிருந்தனர். இதையடுத்து அட்டர்னி ஜெனரல் அவர் மீது நீதிமன்ற அவமதிப்பு வழக்கு தொடுக்க அனுமதி வழங்கியுள்ளார்.
