அருண் விஜய் நடிப்பில் உருவாகிவரும் ‘தடம்’, தமிழ்ப் புத்தாண்டுக்கு ரிலீஸாக இருக்கிறது.
‘மீகாமன்’ படத்தைத் தொடர்ந்து மகிழ் திருமேனி இயக்கியுள்ள படம் ‘தடம்’. அருண் விஜய் ஹீரோவாக நடித்துள்ள இந்தப் படத்தில், தன்யா ஹோப், வித்யா பிரதீப், ஸ்ம்ருதி வெங்கட் என 3 ஹீரோயின்கள் நடித்துள்ளனர். அத்துடன், பெப்சி விஜயன், யோகிபாபு, மீரா கதிரவன் உள்ளிட்ட பலரும் நடித்துள்ளனர்.
கோபிநாத் ஒளிப்பதிவு செய்ய, அருண் ராஜ் இந்தப் படத்துக்கு இசையமைத்துள்ளார். இந்தர் குமார் தயாரித்துள்ளார். இந்தப் படத்தின் ஷூட்டிங் முடிந்து தற்போது டப்பிங் பணிகள் தொடங்கியுள்ளன. வருகிற தமிழ்ப் புத்தாண்டுக்கு இந்தப் படத்தை ரிலீஸ் செய்யத் திட்டமிட்டுள்ளனர்.