தொடர்ந்து இத்தனைத் தோல்விப் படங்கள் கொடுப்பேன் என்று நினைத்துக் கூடப் பார்க்கவில்லை… சுசீந்திரன் ஒப்புதல்!

தமிழ் சினிமாவில் வெண்ணிலா கபடிக்குழு திரைப்படத்தின் மூலம் அறிமுகமானவர் இயக்குனர் சுசீந்திரன். அடுத்தடுத்து அவர் இயக்கிய பல படங்கள் ஹிட்டாக முன்னணி இயக்குனர் ஆனார். இதனால் சிம்பு மற்றும் விக்ரம் போன்ற முன்னணி இயக்குனர்களை இயக்கும் வாய்ப்பு அவருக்குக் கிடைத்தது.

தமிழ் சினிமாவில் குறுகிய காலத்தில் படத்தை திட்டமிட்ட படி இயக்கும் முடிக்கும் இயக்குனர்களில் சுசீந்தரனும் ஒருவர். கொரோனா லாக்டவுன் காலத்தில் கூட மூன்று படங்களை இயக்கி கோலிவுட்டையே ஆச்சர்யத்தில் ஆழ்த்தினார். ஆனால் அந்த படங்கள் எல்லாம் தோல்விப் படங்களாக அமைந்ததால் அவருக்கு இப்போது இறங்குமுகமாக உள்ளது.

இதையடுத்து இப்போது ‘2K கிட்ஸ் லவ் ஸ்டோரி’ என்ற படத்தை இயக்கி முடித்துள்ளார். விரைவில் அந்த படம் ரிலீஸாகவுள்ள நிலையில் பேசியுள்ள அவர் “தொடர்ந்து இத்தனைத் தோல்விப் படங்கள் கொடுப்பேன் என்று நான் நினைக்கவில்லை. கடந்த ஆறு வருடங்களாக எல்லாமே தோல்விப் படங்கள்தான். ஆனால் இது கம்பேக் படமாக அமையும் என்று நினைக்கிறேன். இந்த படம் 2 கே கிட்ஸ்களுக்கு அறிவுரை சொல்லும் படம் அல்ல. அவர்களின் பெற்றோர்களுக்கு அறிவுரை சொல்லும் படம்” எனக் கூறியுள்ளார்.