தமிழ் சினிமாவில் டிஷ்யூம் தொடங்கி கோ, சிவா மனசுல சக்தி, ஜிப்ஸி என பன்முக கதாப்பாத்திரங்கள் கொண்ட பல படங்களில் நடித்து வருகிறார் ஜீவா. தற்போது ஜீவா - ஆக்ஷன் கிங் அர்ஜூன் கூட்டணியில் அகத்தியா என்ற படத்திஒல் நடித்து வருகிறார். வேல்ஸ் பிலிம் இண்டர்நேஷன் தயாரிக்கும் இந்த படத்தை பாடலாசிரியர் பா.விஜய் இயக்குகிறார். இதில் ராஷி கண்னா உள்ளிட்ட பல பிரபலங்கள் நடிக்கின்றனர்.
மிகப்பெரிய பொருட்செலவில் இந்த படம் தயாரிக்கப்படுவதாக தகவல்கள் வெளியாகியுள்ளது. இந்த படத்தின் ஃபர்ஸ்ட் லுக் போஸ்டர் மற்றும் டிரைலர் வெளியாகி கவனம் பெற்றது. ஹாலிவுட்டில் வெளியான இண்டியானா ஜோன்ஸ் போன்ற பீரியட் சாகச படமாக ‘அகத்தியா’ உருவாகியுள்ளது. இந்த படம் பிப்ரவரி 28 ஆம் தேதி ரிலீஸாகவுள்ளது.
இந்நிலையில் இந்த படத்தின் பட்ஜெட் பற்றி ஒரு தகவல் வெளியாகியுள்ளது. படத்துக்கு 30 கோடி ரூபாய்க்கு மேல் செலவு செய்யப்பட்டுள்ளதாக சொல்லப்படுகிறது. தற்போது ஜீவாவுக்கு அவ்வளவு பெரிய சந்தை இல்லை. ஆனாலும் படத்தின் மேல் நம்பிக்கை வைத்து இவ்வளவு அதிகமாக செலவு செய்யப்பட்டுள்ளதாக சொல்லப்படுகிறது.