சென்னை தியாகராய நகரில், மூன்று மாடிகளுக்கு அனுமதி பெற்றுவிட்டு பத்து மாடிகள் கட்டிய கட்டிடத்தை இடிக்க, சென்னை உயர்நீதிமன்றம் உத்தரவு பிறப்பித்துள்ளது. இது பரபரப்பை ஏற்படுத்தியுள்ளது.
சென்னை தியாகராய நகரில், தரைத்தளம் மற்றும் மூன்று மாடிகள் கட்ட அனுமதி பெற்ற தனியார் நிறுவனம், பத்து தளங்கள் கட்டியது. இதனைத் தொடர்ந்து, சென்னை பெருநகர வளர்ச்சி ஆணையம் (CMDA) நோட்டீஸ் அனுப்பி, அனுமதி மீறி கட்டப்பட்ட கட்டிடத்தை அகற்றுமாறு அறிவுறுத்தியது.
ஆனால், தனியார் நிறுவனம் அந்த நோட்டீஸை நிராகரித்து, சென்னை உயர்நீதிமன்றத்தில் முறையிட்டது. இந்த வழக்கை விசாரித்த நீதிபதிகள், தனியார் நிறுவனத்தின் கோரிக்கையை நிராகரித்தனர். அனுமதி வழங்கப்பட்ட அளவை மீறி கட்டப்பட்ட கட்டிடங்களுக்கு பின்னர் வரன்முறை கோரி விண்ணப்பங்கள் தாக்கல் செய்வது ஏற்க முடியாது என்றும், பெருந்தொகை முதலீடு செய்யப்பட்டுள்ளதை முன்னிட்டு இரக்கம் காட்ட முடியாது என்றும் நீதிபதிகள் தெரிவித்தனர்.
இதனால், அனுமதியை மீறி கட்டப்பட்ட கட்டிடப் பகுதிகளை எட்டு வாரங்களில் அகற்ற சென்னை மாநகராட்சிக்கு நீதிமன்றம் உத்தரவு பிறப்பித்துள்ளது. இந்த தீர்ப்பால் பரபரப்பு ஏற்படுத்தியுள்ளது.