அடுத்த ஆண்டுக்குத் தள்ளிப்போகும் கார்த்தியின் ‘வா வாத்தியார்’… பின்னணி என்ன?

மெய்யழகன் படத்துக்குப் பிறகு நடிகர் கார்த்தி நலன் குமாரசாமி இயக்கத்தில் ’வா வாத்தியார்’ என்ற படத்தில் நடித்து வருகிறார். இந்த படத்தில் சத்யராஜ், ராஜ்கிரண் மற்றும் க்ரீத்தி ஷெட்டி ஆகியோர் முக்கிய வேடத்தில் நடிக்கின்றனர்.  சந்தோஷ் நாராயணன் இசையமைக்கிறார். ஸ்டுடியோ கிரீன் நிறுவனம் சார்பாக ஞானவேல் ராஜா தயாரிக்கிறார்.

நீண்டகாலமாக இந்த படம் பற்றி எந்த அப்டேட்டும் இல்லாமல் இருந்த நிலையில் சில மாதங்களுக்கு முன்னர் டீசர் வெளியாகி கவனம் பெற்றது. ஆனால் அதன் பிறகு ரிலீஸ் பற்றி எந்த அப்டேட்டும் இல்லை. இந்நிலையில் இந்த படத்துக்காக இன்னும் 12 நாட்கள் ஷூட் நடத்த வேண்டும் என இயக்குனர் நலன் குமாரசாமி அடம்பிடிக்கிறாராம்.

இதற்கிடையில் கார்த்தி டாணாக்காரன் தமிழ் இயக்கும் ‘மார்ஷல்’ படத்தில் நடிக்க ஆயத்தமாகிவிட்டதால், வா வாத்தியார் படத்துக்கு அடுத்த ஆண்டில்தான் தேதிகள் கொடுக்க முடியும் என சொல்லிவிட்டாராம். அதனால் அடுத்த ஆண்டுதான் அந்த படம் ரிலீஸாகும் என சொல்லப்படுகிறது.