குட்னைட் மற்றும் லவ்வர் படங்களின் மூலம் கவனம் பெற்ற ‘மில்லியன் டாலர் ஸ்டுடியோஸ்’ நிறுவனம் தற்போது ஐந்து படங்களைத் தயாரித்து வருகிறது. அதில் சசிகுமார் மற்றும் சிம்ரன் ஆகியோர் நடித்துள்ள ‘டூரிஸ்ட் பேமிலி’ படமும் ஒன்று. இந்தப் படத்தை அறிமுக இயக்குனர் அபிஷன் ஜீவிந்த் இயக்குகிறார். ஷான் ரோல்டன் இசையமைக்கிறார்.
சில மாதங்களுக்கு முன்னர் ரிலீஸான இந்த படத்தின் டீசர் இணையத்தில் பெரும் வரவேற்பைப் பெற்றது. இலங்கை தமிழ் பேசும் குடும்பம் ஒன்று ஊரைவிட்டு ரகசியமாகக் கிளம்புவது போலவும் அதில் நடக்கும் சொதப்பல்களுமாக அந்த டீசர் கவனம் பெற்றது. இதன் காரணமாக படத்துக்கு நல்ல எதிர்பார்ப்பு உருவாகியுள்ளது. அதன் காரணமாக மே 1 ஆம் தேதி படம் ரிலீஸாகிறது.
இந்நிலையில் இந்த படத்தை வித்தியாசமான முறையில் விளம்பரப்படுத்தியுள்ளனர் படக்குழுவினர். இந்த படத்தை தமிழகம் முழுவதும் திரையரங்க உரிமையாளர்களை, அவர்கள் குடும்பத்தோடு அழைத்து படத்தைத் திரையிட்டுக் காடியுள்ளனர். படம் பார்த்த அவர்கள் சிலாகித்துப் பேசி படம் கண்டிப்பாக வெற்றி பெறும் என நம்பிக்கையாகப் பேசியுள்ளதாக சொல்லப்படுகிறது.
