நடிகர் அல்லு அர்ஜுன் நடிப்பில் சுகுமார் இயக்கத்தில் கடந்த 2021 ஆம் ஆண்டு வெளியான படம் புஷ்பா. இந்த படம் இந்தியா முழுவதும் மிகப்பெரிய வெற்றியைப் பெற்றது. இந்தியா முழுவதும் ஒரு பிராண்ட்டாக மாறியது புஷ்பா 2 திரைப்படம். இந்நிலையில் அதன் இரண்டாம் பாகம் மிக பிரம்மாண்டமாக தற்போது உருவாக்கப்பட்டு வருகிறது.
முதல் பாகத்தை விட இரண்டாம் பாகத்தை அதிக பொருட்செலவில் பிரம்மாண்டமாக உருவாக்கி வருகின்றனர். தற்போது இறுதிகட்ட ஷூட்டிங் நடந்து வரும் நிலையில் டிசம்பர் மாதம் 5 ஆம் தேதி படம் ரிலீஸாகிறது. படத்தின் இறுதிகட்ட பணிகள் தற்போது விறுவிறுப்பாக நடந்து வருகின்றன.
இந்நிலையில் புஷ்பா 2 படத்தின் பின்னணி இசைப் பணிகளுக்காக தமன் ஒப்பந்தம் செய்யப்பட்டுள்ளது ஆச்சர்யத்தை ஏற்படுத்தியுள்ளது. ஏனென்றால் முதல் பாகத்துக்கு தன்னுடைய ஆர்ப்பாட்டமான பின்னணி இசையால் ஜனரஞ்சகமாக உயிரூட்டியிருந்தார் தேவி ஸ்ரீ பிரசாத். இப்போது இரண்டாம் பாகத்தில் அவருக்குப் பதில் தமன் ஒப்பந்தம் செய்யப்பட்டிருப்பதால், அவருக்குப் படக்குழுவோடு ஏதேனும் கருத்து வேறுபாடா என்ற கேள்வி எழுந்துள்ளது.