பிக் பாஸ் நிகழ்ச்சி விஜய் டிவியில் விறுவிறுப்பாக ஒளிபரப்பாகி வரும் நிலையில், ஒவ்வொரு வாரமும் நாமினேஷன் செய்யப்பட்டவர்களில் குறைந்த வாக்குகள் பெற்ற ஒரு போட்டியாளர் வெளியேற்றப்பட்டு வருகிறார்.
இதுவரை பிக் பாஸ் நிகழ்ச்சியில் ரவீந்தர், அர்னவ், தர்ஷா, சுனிதா ஆகியோர் வெளியேற்றப்பட்ட நிலையில், இன்று வெளியேறும் போட்டியாளர் குறித்த தகவல் தற்போது வெளியாகி உள்ளன.
பிக் பாஸ் நிகழ்ச்சி 16 போட்டியாளர்களுடன் தொடங்கப்பட்ட நிலையில், கடந்த சில நாட்களுக்கு முன்னால் ஆறு போட்டியாளர்கள் வைல்ட் கார்டு வாயிலாக பிக் பாஸ் வீட்டிற்கு நுழைந்தனர். இந்த நிலையில், இந்த வாரம் நாமினேஷன் செய்யப்பட்டவர்களில் குறைந்த வாக்குகளை பெற்றவர் வைல்ட் கார்டு போட்டியாளராக வந்த ரியா தியாகராஜன் என்பது தகவலாக வெளியாகியுள்ளது.
ஆரம்பத்தில் இருந்தே பெரிய பரபரப்பின்றி அமைதியாக விளையாடி வந்த அவர், இன்று வெளியேற்றப்படுவது பிக் பாஸ் பார்வையாளர்களுக்கு எந்தவித தாக்கத்தையும் ஏற்படுத்தவில்லை என்பது குறிப்பிடத்தக்கது.