இசைஞானி இளையராஜா தன்னுடைட்ய 82 ஆவது வயதில் இப்போது தன்னுடைய முதல் சிம்ஃபொனியை முடித்துள்ளார். சில மாதங்களுக்கு முன்னர் தான் சிம்பொனி ஒன்றை உருவாக்கி வருவதாக இளையராஜா வீடியோ ஒன்றை வெளியிட்டிருந்தார். ’valiant’ எனப் பெயரிடப்பட்டுள்ள அவரின் முதல் சிம்பொனியை சமீபத்தில் பதிவு செய்துள்ளார்.
இது இசைக் கலைஞர்களோடு அவர் ஒத்திகைகள் பார்த்த வீடியோ இணையத்தில் வெளியாகி கவனம் பெற்றது. விரைவில் இந்த சிம்பொனி இசை கச்சேரி லண்டனில் உள்ள ஒரு இசையரங்கில் நடக்கவுள்ளது. இதனால் அந்த சிம்ஃபொனி பற்றி இளையராஜா சில நேர்காணல்களை அளித்து வருகிறார்.
அதில் அவர் ஒரு தகவலைப் பகிர்ந்துள்ளார். அதில் “நான் சமீபத்தில் ஒரு ஹாலிவுட் நிகழ்ச்சியைப் பார்த்தேன். அதில் ஒரு நடிகர் சொல்கிறார் “இப்போது ஹாலிவுட்டில் கம்போஸர்களே இல்லை. யாருமே இப்போது இசையை எழுதுவதில்லை” என்று. அந்த நேரத்தில்தான் நான் என்னுடைய சிம்ஃபொனியை எழுதிக் கொண்டிருந்தேன்” எனப் பெருமிதமாகப் பேசியுள்ளார்.