கன்னியாகுமரி எம் பி வசந்தகுமாரின் மறைவுக்கு சூப்பர் ஸ்டார் ரஜினிகாந்த் தனது இரங்கலைத் தெரிவித்துள்ளார்.
கன்னியாகுமரி தொகுதி காங்கிரஸ் எம்பி வசந்தகுமார் கொரோனாவால் பாதிக்கப்பட்டு சிகிச்சை பெற்று வந்த நிலையில் அவரது உடல்நிலை கவலைக்கிடமாக இருப்பதாக நேற்று காலை தகவல் வெளியானது. இந்நிலையில் நேற்று மாலை சிகிச்சை பலனின்றி உயிரிழந்தார். 70 வயதான கன்னியாகுமரி காங்கிரஸ் எம்பி வசந்தகுமார் காலமான தகவல் காங்கிரஸ் தொண்டர்கள் மற்றும் காங்கிரஸ் தலைவர்கள் மத்தியில் பெரும் அதிர்ச்சியை ஏற்படுத்தியது.
அவரது மறைவுக்கு காங்கிரஸ் முன்னாள் தலைவர் ராகுல் காந்தியில் இருந்து தமிழக அரசியல் தலைவர்கள் வரை இரங்கல் தெரிவித்துள்ளனர். இந்நிலையில் வசந்தகுமாரின் நெருங்கிய நண்பரான ரஜினிகாந்த் தனது டிவிட்டர் பக்கத்தில் ‘அருமை நண்பர் வசந்தகுமாரின் மறைவு மிகுந்த வருத்தம் அளிக்கிறது. அவர் குடும்பத்தாருக்கும், அவரைச் சார்ந்த அனைவருக்கும் என் ஆழ்ந்த அனுதாபங்கள். அவர் ஆத்மா சாந்தியடைய இறைவனை வேண்டுகிறேன்.’ என அஞ்சலி செலுத்தியுள்ளார்.