தமிழக சட்டப்பேரவையில் இன்று தொடங்கவிருந்த இரண்டாவது பட்ஜெட் கூட்டத்தொடர் ஒத்தி வைக்கப்பட்டுள்ளது.
தமிழக சட்டப்பேரவை இரண்டாம் பட்ஜெட் கூட்டத்தொடர் இன்று தொடங்க இருந்தது. அனைத்து கட்சி உறுப்பினர்களும் கலந்து கொண்ட கூட்டத்தில் மறைந்த திமுக பொது செயலாளர் க.அன்பழகன், முன்னாள் அமைச்சர் காத்தவராயன் மற்றும் கே.பி.பி.சாமி ஆகியோருக்கு இரங்கல் தெரிவிக்கப்பட்டது.
அதை தொடர்ந்து சட்டசபை கூட்டம் நாளை மறுநாளுக்கு ஒத்தி வைக்கப்பட்டது. ஆனால் பேரவை வளாகத்தில் திமுக எம்.எல்.ஏக்கள் கூட்டம் நடந்து வருகிறது. அதில் சட்டசபையில் எழுப்ப வேண்டிய கேள்விகள், தீர்மானங்கள் குறித்த சந்தேகங்கள் குறித்து விவாதிக்கப்பட்டு வருவதாக கூறப்படுகிறது.