லேட்டா வந்தாலும் லேட்டஸ்டாக வந்துள்ளார் மகேந்திரன் – மு க ஸ்டாலின் வாழ்த்து!

மக்கள் நீதி மய்யம் கட்சியிலிருந்து விலகிய மகேந்திரன் திமுகவில் இணைந்த நிலையில் திமுக தலைவர் மு.க.ஸ்டாலின் வாழ்த்து தெரிவித்துள்ளார்.

தமிழக சட்டமன்ற தேர்தலில் மக்கள் நீதி மய்யம் தோல்வியை தழுவிய நிலையில் மநீம கட்சியில் முக்கிய பொறுப்பு வகித்த பலர் கட்சியிலிருந்து விலகியது பரபரப்பை ஏற்படுத்தியது. மநீம கட்சியின் டாக்டர் மகேந்திரனும் கட்சியிலிருந்து விலகிய நிலையில் அவர் திமுகவில் இணைய உள்ளதாக அரசியல் வட்டாரங்களில் பேசப்பட்டு வந்தது.

அதன்படியே நேற்று திமுக தலைவரும் தமிழக முதல்வருமான மு.க.ஸ்டாலின் முன்னிலையில் மகேந்திரன் திமுகவில் இணைந்தார். அப்போது பேசிய மு.க.ஸ்டாலின் ”மகேந்திரன் தேர்தலுக்கு முன்பே திமுகவிற்கு வந்திருந்தால் கொங்கு மண்டலத்தில் திமுக தோல்வி அடைந்திருக்காது. அவரது வருகையை முன்னதாகவே நான் எதிர்பார்த்தேன். இப்போது லேட்டாக வந்தாலும் லேட்டஸ்டாக வந்துள்ளார்” என பாராட்டியுள்ளார்.