காந்தம் ஏற்றுமதிக்கு சீனா விதித்துள்ள நிலையில், இந்திய அரசு காந்தங்களின் உள்நாட்டு உற்பத்தியை ஊக்குவிக்க சுமார் ₹1,000 கோடி முதலீடு செய்ய திட்டமிட்டுள்ளதாக தகவல்கள் தெரிவிக்கின்றன.
இந்தியாவின் கனரக தொழில்துறை அமைச்சகமும், அணுசக்தித் துறையும் இணைந்து அரிய வகை காந்த உற்பத்தியை ஊக்குவிக்க ₹1,000 கோடி ரூபாய் பட்ஜெட்டில் ஒரு திட்டத்தை உருவாக்கி வருகின்றன.
இந்த அரிய வகை காந்த உற்பத்தித் திட்டம் அடுத்த 10 முதல் 15 நாட்களுக்குள் இறுதி செய்யப்படும் என்று ஒரு அறிக்கை கூறுகிறது. இந்த திட்டத்தின் நோக்கம், இந்தியாவில் சுமார் 1,500 டன் அரிய வகை காந்தங்களை உற்பத்தி செய்வதாகும். அரசாங்கம் இன்னும் இந்தத் திட்டத்தை முழுமையாக வெளியிடவில்லை என்றாலும், ஐந்து முதல் ஆறு நிறுவனங்கள் அரிய வகை காந்த உற்பத்தித் துறையில் நுழைய ஆர்வம் காட்டியுள்ளதாக அந்த அறிக்கை தெரிவிக்கிறது.
சீன ஏற்றுமதியை சார்ந்திருப்பதை குறைக்க, இந்திய அரசு அரிய வகை காந்தங்களின் உள்நாட்டு உற்பத்தியை அதிகரிக்க முடிவு செய்துள்ளது. இந்தியா ரேர் எர்த் லிமிடெட் (India Rare Earth Limited), அசல் உபகரண உற்பத்தியாளர்களுக்கு சுமார் 500 டன் மூலப்பொருட்களை வழங்கும் என்று எதிர்பார்க்கப்படுவதால், தொழில்துறையின் அரிய வகை காந்த தேவைகளைப் பூர்த்தி செய்வதில் இது ஒரு குறிப்பிடத்தக்க பங்கை வகிக்கும்.
