ஜெயம் ரவியின் 33 வது திரைப்படமான ‘காதலிக்க நேரமில்லை’ படத்தைக் கிருத்திகா உதயநிதி இயக்கிமுடித்துள்ளார். ஜெயம் ரவி மற்றும் நித்யா மேனன் முக்கிய கேரக்டரில் நடிக்கும் இந்த படத்தில் யோகி பாபு, மனோ, லட்சுமி ராமகிருஷ்ணன், ஜான் கொக்கன், வினோதினி உள்ளிட்ட பலர் நடிக்கின்றனர். ஏஆர் ரஹ்மான் இந்த படத்துக்கு இசையமைக்கிறார்.
சமீபத்தில் இந்த படத்தின் ஷூட்டிங் முடிந்த நிலையில் படத்தின் ஆடியோ உரிமையை டி சீரிஸ் நிறுவனம் கைப்பற்றியுள்ளது. இதைப் படக்குழு ஒரு கிளிம்ப்ஸ் வீடியோ வெளியிட்டு அறிவித்துள்ளது. அந்த வீடியோவில் ஏ ஆர் ரஹ்மான் குரலில் இடம்பெறும் பாடல் துணுக்கையும் இணைத்துள்ளனர்.
இப்போது பின்தயாரிப்புப் பணிகள் நடைபெற்று வரும் நிலையில் படத்தின் ரிலீஸ் டிசம்பர் 20 ஆம் தேதியாக இருக்கும் என தகவல்கள் வெளியாகியுள்ளன. அதற்கான வேலைகள் விறுவிறுப்பாக நடந்து வருவதாக தெரிகிறது. தொடர்ந்து தோல்வி படங்களாகக் கொடுத்து வரும் ஜெயம் ரவிக்கு இந்த படமாவது கைகொடுக்குமா என்பதைப் பொறுத்திருந்து பார்ப்போம்.