கண்டுகொண்டேன் கண்டுகொண்டேன், மின்சாரக்கனவு போன்ற அழகிய காதல் திரைப்படங்களை இயக்கிய ஒளிப்பதிவாளர் ராஜீவ் மேனன் நீண்ட இடவெளிக்குப் பிறகு தற்போது ஜிவி பிரகாஷை வைத்து சர்வம் தாள மயம் என்ற ஒரு புதிய படத்தை இயக்கியுள்ளார்.
இப்படத்தில் ஜிவி பிரகாஷ் ஒரு இசைக் கலைஞராகவே நடிக்கிறார். அவருக்கு ஜோடியாக மகேஷிண்ட பிரதிகாரம், 8 தோட்டாக்கள் படங்களில் நடித்த அபர்ணா பாலமுரளி நடிக்கிறார். ஏ ஆர் ரஹ்மான் முதல் முறையாக ஜிவி பிரகாஷ் படத்திற்கு இசையமைக்கிறார். இந்தி திரையுலகில் பரபரப்பாக இயங்கி வரும் ரவி யாதவ் இப்படத்திற்கு ஒளிப்பதிவு செய்கிறார்.
இந்த படத்தின் படப்பிடிப்பு மற்றும் இதர வேலைகள் முடிந்துள்ள நிலையில் தற்போது இப்படத்தினைப் பற்றிய புதிய தகவல் ஒன்று வெளியாகியுள்ளது. இந்தப்படம் தமிழ்நாட்டில் திரையரங்குகளில் வெளியாகும் முன்பு ஜப்பான் தலைநகர் டோக்கியோவில் நடைபெறும் சர்வதேச திரைப்பட விழாவில் கலந்து கொள்ள இருக்கிறது.
மேலும் இந்த படம் இந்தாண்டு இறுதியில் கிறுஸ்துமஸ் வெளியீடாக வர இருக்கிறது. பாடல் மற்றும் டீசர் வெளியீட்டு விழா விரைவில் நடைபெறும் என எதிர்பார்க்கப்படுகிறது.