இயக்குனர் சமுத்திரக்கனி இப்போது பிஸியான நடிகராகி விட்டார். ஆனாலும் இடையில் படங்களை இயக்கியும் வருகிறார். அந்த வகையில் ஜி 5 ஓடிடி தளத்துக்காக அவர் இயக்கிய படம்தான் விநோயத சித்தம். இந்த படம் அக்டோபர் 13 ஆம் தேதி வெளியாகி பரவலாக பாராட்டுகளைப் பெற்றது. இதையடுத்து இப்போது இந்த படத்தை தெலுங்கில் ரீமேக் செய்ய உள்ளார் சமுத்திரக்கனி. தமிழில அவர் நடித்த வேடத்தில் பவன் கல்யாணும், தம்பி ராமையா நடித்த வேடத்தில் முன்னணி நடிகர் ஒருவரும் நடிக்க உள்ளதாக சொல்லப்படுகிறது. அந்த படத்துக்கான அதிகாரப்பூர்வ அறிவிப்பு தற்போது வெளியாகியுள்ளது.
இந்நிலையில் இப்போது இந்த படத்தின் பூஜை நடைபெற்று அது சம்மந்தமான புகைப்படங்கள் வெளியாகியுள்ளன. படத்தில் பவண் கல்யாணுடன் அவரின் நெருங்கிய உறவினரான சாய் தரம் தேஜ் ஒரு முக்கிய வேடத்தில் நடிக்க உள்ளார். தெலுங்கில் பிஸியான நடிகராக வலம்வரும் சமுத்திரக்கனி முதல்முறையாக அங்கு ஒரு படத்தை இயக்க உள்ளார் என்பது குறிப்பிடத்தக்கது.