இயக்குனர் மோகன் ஜி இயக்கத்தில் செல்வராகவன் நடிப்பில் உருவான 'பகாசூரன்’ என்ற திரைப்படம் சமீபத்தில் வெளியாகிய நல்ல வரவேற்பு பெற்றது என்பது தெரிந்தது. ஒரு சிலர் இந்த படத்திற்கு நெகட்டிவ் விமர்சனங்கள் கொடுத்தாலும் இந்த படத்தின் வசூல் திருப்திகரமாக இருப்பதாக கூறப்படுகிறது. இந்த நிலையில் இந்த படத்தின் வெற்றிக்காக இயக்குனர் மோகன் ஜி களத்தில் இறங்கி தெருத்தெருவாக போஸ்டர் ஒட்டி உள்ளார். இதுகுறித்த வீடியோ இணையதளங்களில் வைரல் ஆகி வருகிறது என்று குறிப்பிடத்தக்கது. தனது படம் மக்கள் மத்தியில் கவனம் பெற வேண்டும் என்பதற்காக மோகன் ஜி யின் இந்த செயல் ரசிகர்கள் மத்தியில் நெகிழ்ச்சியை ஏற்படுத்தியுள்ளது.
இந்நிலையில் காசியில் வழிபாடு செய்யும் நடிகர் ரிச்சர்ட் ரிஷியின் புகைப்படத்தைப் பகிர்ந்து தன்னுடைய அடுத்த படத்தின் கதாநாயகன் இவர்தான் என மோகன் ஜி தெரிவித்துள்ளார். ஏற்கனவே திரௌபதி மற்றும் ருத்ர தாண்டவம் ஆகிய படங்களில் இணைந்து பணியாற்றியுள்ளனர் என்பது குறிப்பிடத்தக்கது.