இந்தியா வந்து விளையாட உள்ள வெஸ்ட் இண்டீஸ் அணி அறிவிக்கப்பட்டுள்ளது.
இந்தியா மற்றும் மேற்கு இந்தியத் தீவுகளுக்கு இடையிலான டி20 கிரிக்கெட் தொடர் பிப்ரவரி 16ஆம் தேதி தொடங்கவிருக்கும் நிலையில் இந்த தொடரில் கலந்துகொள்ள இருக்கும் இந்திய அணி சற்றுமுன் அறிவிக்கப்பட்டுள்ளது. இதில் ரோகித் சர்மா மீண்டும் களம் இறங்க இருக்கிறார் என்பதும் அவர் கேப்டனாக செயல்படுகிறார் என்பதும் குறிப்பிடத்தக்கது. அதேபோல் கேஎல் ராகுல் துணை கேப்டனாக செயல்பட இருக்கிறார்.
இந்த தொடருக்கான இந்திய அணி அறிவிக்கப்பட்டுள்ள நிலையில் இப்போது வெஸ்ட் இண்டீஸ் அணி அறிவிக்கப்பட்டுள்ளது. இந்த அணியில் சமீபத்தில் இங்கிலாந்துக்கு எதிரான தொடரில் கலக்கிய ரோமென் பாவெல் இடம்பெறாதது அதிர்ச்சியை ஏற்படுத்தியுள்ளது.