ரஷ்யா மற்றும் ஈரானிடமிருந்து கச்சா எண்ணெய் வாங்குவதை நிறுத்த வேண்டும் என்று அமெரிக்க அதிபர் டொனால்ட் டிரம்ப் விடுத்த மிரட்டலுக்கு, இந்தியா மற்றும் சீனா ஆகிய இரு நாடுகளும் தக்க பதிலடி கொடுத்துள்ளன. அமெரிக்காவின் பொருளாதார தடைகளுக்கு அடிபணிய மாட்டோம் என்று இரு நாடுகளும் திட்டவட்டமாகத் தெரிவித்துள்ளன.
இந்தியாவை தொடர்ந்து, சீன வெளியுறவுத் துறை அமைச்சகமும் அமெரிக்காவின் மிரட்டலுக்குப் பதிலடி கொடுத்துள்ளது. "எங்கள் நாட்டின் எரிபொருள் விநியோகத்தை சீராக வைத்துக் கொள்வது எங்கள் கடமை. இதில் நெருக்கடிக்கு உள்ளாக்குவது அல்லது பலவந்தப்படுத்துவது எந்தப் பலனும் அளிக்காது" என்று கூறியுள்ளது.
மேலும் நாட்டின் இறையாண்மை, பாதுகாப்பு மற்றும் வளர்ச்சி விஷயங்களில் சீனா எப்போதும் உறுதியாக செயல்படும் என்றும், கச்சா எண்ணெய் கொள்முதலை நிறுத்த முடியாது என்றும் சீனா தெரிவித்துள்ளது.
