மாநாடு படம் அதன் தயாரிப்பாளர், விநியோகஸ்தர்கள் மற்றும் திரையரங்க உரிமையாளர்கள் என அனைத்துத் தரப்பினருக்கும் லாபம் கொடுத்துள்ளது. இதுபோல சிம்புவின் படம் ஒன்று அனைத்துத் தரப்பினருக்கும் லாபம் கொடுத்து ஒரு மாமாங்கம் ஆகிறது. அதே போல இந்த படத்தில் பணியாற்றிய கலைஞர்களுக்கும் லாபமாக அடுத்த படங்களில் சம்பளம் கணிசமாக ஏறியுள்ளது. திரையரங்கு வருவாய் மூலமாக மட்டுமே சுமார் 100 கோடி ரூபாய் வருவாய் ஈட்டிய முதல் சிம்பு படமாக அமைந்துள்ளது.
இந்நிலையில் தெலுங்கு ரீமேக்குக்கான வேலைகள் விறுவிறுப்பாக நடந்து வருகிறது. அதில் சிம்பு கதாபாத்திரத்தில் நாக சைதன்யாவும், எஸ் ஜே சூர்யா கதாபாத்திரத்தில் நடிக்க ரவி தேஜாவிடமும் பேசப்பட்டு வருவதாக சொல்லப்படுகிறது. மாநாடு படத்தின் தமிழ் வடிவத்திலேயே முதலில் நடிக்க ரவிதேஜாவிடம்தான் பேசப்பட்டது என்பது குறிப்பிடத்தக்கது.
