பீஸ்ட் படத்த ’அவர்’ பார்த்திருந்தா ரொம்ப சந்தோஷப்பட்டுருப்பார்… நெல்சனின் எமோஷனல் ஆசை!

பீஸ்ட் படத்தை தனது தந்தைக்குக் காட்ட முடியாமல் போனது குறித்து இயக்குனர் நெல்சன் வருத்தம் தெரிவித்துள்ளார்.

சூப்பர் ஸ்டார் ரஜினிகாந்த் நடிக்கும் அடுத்த திரைப்படமான தலைவர் 169 படம் குறித்த அதிகாரப்பூர்வ அறிவிப்பை சன் பிக்சர்ஸ் நிறுவனம் சற்றுமுன் வெளிவந்துள்ளது. ரஜினிகாந்த் நடிக்க இருக்கும் இந்த திரைப்படத்தை நெல்சன் இயக்க உள்ளார் என்பதும் அனிருத் இசையமைக்க உள்ளார் என்பதும் அதிகாரப்பூர்வமாக அறிவிக்கப்பட்டுள்ளது.

பீஸ்ட் படத்தின் ரிலீஸ் வேலைகளில் பிஸியாக இருக்கும் நெல்சன் பீஸ்ட் படம் குறித்து அளித்துள்ள நேர்காணலில் தனது தந்தை குறித்து பேசியுள்ளார். அதில் ‘எனது அப்பாதான் நான் சினிமாவுக்கு வர காரணம். டாக்டர் படம் ரிலீஸ் ஆவதற்கு முன்பாக அவர் இறந்துவிட்டார். பீஸ்ட் படத்தை அவர் பார்த்திருந்தால் மிகவும் சந்தோஷப்பட்டு இருப்பார். அவருக்கு பீஸ்ட் படத்தைக் காட்ட முடியாமல் போனது வருத்தமாக உள்ளது’ எனக் கூறியுள்ளார்.