அதன் பிறகு பொறியாளன் திரைப்படத்தின் மூலம் ஹீரோவானார். தொடர்ந்து வாய்ப்பில்லாமல் இருந்து வந்த அவர் பிக்பாஸ் முதல் சீசனில் கலந்துக்கொண்டு பெரும் பிரபலமானார். மேலும் பியார் பிரேமா காதல் மற்றும் தாராள பிரபு திரைப்படம் அவரது கெரியரில் மைல் கல்லாக அமைந்தது. சமீபத்தில் அவர் நடித்த பார்க்கிங் திரைப்படம் வெளியாகி நல்ல வரவேற்பைப் பெற்றது.
அடுத்து அவர் நடிப்பில் லப்பர் பந்து, ஆயிரம் கோடி வானவில் மற்றும் டீசல் ஆகிய படங்கள் உருவாக்கத்தில் உள்ளன. இதில் பிரம்மாண்டமாக உருவாகி வரும் டீசல் படத்தின் ஷூட்டிங் 100 நாட்களுக்கு மேல் நடந்து வந்த நிலையில் கடந்த ஆண்டு நிறைவு பெற்றதாக அறிவிக்கப்பட்டது. ஆனால் இப்போது மீண்டும் ஷூட்டிங் தொடங்கி பாண்டிச்சேரியில் நடந்து வருகிறது. விரைவில் ஷூட்டிங் முடிந்து ரிலீஸ் தேதி அறிவிக்கப்படும் என சொல்லப்படுகிறது.
