வீர தீர சூரன் படத்தின் தமிழக விநியோக உரிமையைக் கைப்பற்றிய பிரபல விநியோகஸ்தர்!

விக்ரம் நடிப்பில் கடந்த ஆண்டு தங்கலான் திரைப்படம் நல்ல கவனத்தைப் பெற்றது. அதையடுத்து இப்போது சித்தா படத்தின் இயக்குனர் அருண் குமார் இயக்கத்தில் உருவாகும் ‘வீர தீர சூரன்’ படத்தில் நடித்துள்ளார். இந்த படத்தில் மற்ற முக்கிய வேடங்களில் எஸ் ஜே சூர்யா, சுராஜ் வெஞ்சரமூடு மற்றும் துஷாரா ஆகியோர் நடித்துள்ளனர்.

இந்த படத்தின் ஷூட்டிங் விறுவிறுப்பாக நடந்து முடிந்ததை அடுத்து தற்போது பின் தயாரிப்புப் பணிகள் நடந்து வருகின்றன. வீர தீர சூரன் படத்தின் இரண்டாம் பாகம் முதலில் வெளியாகும் எனவும் பின்னர் முதல் பாகம் வெளியாகும் எனவும் அறிவிக்கப்பட்டுள்ளது. ஏற்கனவே படத்தின் ஷூட்டிங் முடிந்து போஸ்ட் புரொடக்‌ஷன் பணிகள் நடந்து  வருகின்றன. படம் மார்ச் 27 ஆம் தேதி ரிலீஸாகும் என தெரிகிறது.

இந்நிலையில் படத்தின் தமிழக விநியோக உரிமையை பிரபல விநியோகஸ்தர் பைவ் ஸ்டார் செந்தில் கைப்பற்றியுள்ளதாக சொல்லப்படுகிறது. தெலுங்கில் முன்னணி விநியோகஸ்தர்களான மைத்ரி மூவி மேக்கர்ஸ் மற்றும் திருப்பதி பிரதர்ஸ் ஆகிய இருவரும் வெளியிடுகிறார்களாம். இந்த படத்துக்கு பெரிய அளவில் எதிர்பார்ப்பு உள்ளதால் விநியோகஸ்தர்கள் மத்தியில் நல்ல எதிர்பார்ப்பு உள்ளதாக தெரிகிறது.