தமிழக அரசின் தலைமை வழக்கறிஞர் ஆர்.சண்முகசுந்தரம் தனது பதவியை ராஜினாமா செய்துள்ள நிலையில் புதிய தலைமை வழக்கறிஞராக பி.எஸ்.ராமனை நியமனம் செய்யுமாறு தமிழக ஆளுநருக்கு தமிழக அரசு பரிந்துரை செய்துள்ளதாக தகவல் வெளியாகியுள்ளது.
கடந்த 2021-ம் ஆண்டு திமுக ஆட்சி அமைந்ததில் இருந்து அரசின் தலைமை வழக்கறிஞராக பணியாற்றி வந்த சண்முகசுந்தரம் தனது பதவியை ராஜினாமா செய்தார். ராஜினாமாவிற்கான காரணங்களை அவர் கூறவில்லை என்றாலும் தனிப்பட்ட காரணங்களுக்காக அவர் பதவி விலகி உள்ளதாக கூறப்படுகிறது.
இந்நிலையில், தமிழக அரசின் புதிய தலைமை வழக்கறிஞராக பி.எஸ்.ராமனை நியமிக்க ஆளுநருக்கு தமிழக அரசு பரிந்துரை செய்துள்ளது. இதுகுறித்து ஆளுனர் என்ன முடிவெடுக்க போகிறார் என்பதை பொறுத்திருந்து தான் பார்க்க வேண்டும்
தனது ராஜினாமா முடிவை தமிழக முதல்வரிடம் சண்முகசுந்தரம் தெரிவித்துள்ளார். மேலும், இதுவரை தனக்கு ஒத்துழைப்பு நல்கிய அனைவருக்கும் நன்றி தெரிவித்து கொள்வதாகவும் அவர் கூறி உள்ளார்.