விஜய் நடித்து தரணி இயக்கத்தில் கடந்த 2004ம் ஆண்டு வெளியான கில்லி படம் 20 ஆண்டுகள் நிறைவு செய்ததை கொண்டாடும் விதமாக ஏப்ரல் 20ல் ரீரிலீஸ் செய்யப்பட்டு பல திரையரங்குகளில் வெற்றிகரமாக ஓடி வருகிறது. இந்நிலையில் நேற்று மே 1ல் அஜித்தின் பிறந்தநாளை கொண்டாடும் விதமாக மங்காத்தா, பில்லா, தீனா போன்ற படங்கள் சில திரையரங்குகளில் வெளியாகின.
அந்த வகையில் சென்னை காசி தியேட்டரில் கில்லி, தீனா இரு படங்களும் நேற்று திரையிடப்பட்டது. அப்போது தீனா படத்திற்கு பேனர் வைத்து மாலை போட்டுக் கொண்டாடிய அஜித் ரசிகர்களில் ஒருவர் அங்கிருந்த விஜய்யின் கில்லி பட பேனரை கிழித்ததால் பரபரப்பு ஏற்பட்டது. கிழிந்த பேனரை அகற்றி புதிய கில்லி பேனரை வைத்த காசி திரையரங்கம், பேனரை கிழித்த அஜித் ரசிகர் மீது காவல்நிலையத்தில் புகாரளித்தது.
