அரவிந்த் கெஜ்ரிவால் பதவியேற்பு விழா! யாருக்கும் அழைப்பு இல்லை

கடந்த சில ஆண்டுகளாக ஒரு தேர்தலில் வெற்றி பெற்று மாநில முதல்வராக பதவியேற்கும் போது அண்டை மாநில முதல்வர்களை பதவியேற்பு விழாவுக்கு அழைப்பது ஒரு வழக்கமாக இருந்து வருகிறது. சமீபத்தில் ஆந்திர மாநிலத்தில் வெற்றிபெற்ற ஜெகன்மோகன் ரெட்டி பதவியேற்பு விழா நிகழவில் திமுக தலைவர் முக ஸ்டாலின் உள்பட பல பிரபலங்களுக்கு அழைப்பு விடுக்கப்பட்டது என்பது குறிப்பிடத்தக்கது

இந்த நிலையில் சமீபத்தில் டெல்லி சட்டமன்றத் தேர்தலில் அபார வெற்றி பெற்று மீண்டும் ஆட்சியைப் பிடித்துள்ள முதல்வர் அரவிந்த் கேஜரிவால், வரும் 16ம் தேதி மீண்டும் முதல்வராக பதவியேற்க உள்ளார். இந்த பதவி ஏற்பு விழாவிற்கு இந்தியாவின் முக்கிய தலைவர்கள் அழைக்கப்படுவார்கள் என எதிர்பார்க்கப்பட்டது

இந்த நிலையில் தற்போது இது குறித்து ஒரு முக்கிய அறிவிப்பு வெளிவந்துள்ளது.  டெல்லி முதலமைச்சர் அரவிந்த் கெஜ்ரிவால் பதவியேற்பு விழாவில் டெல்லி மக்களுக்கு மட்டுமே அழைப்பு என்றும் மற்ற மாநில முதலமைச்சர்கள் மற்றும் அரசியல் கட்சி தலைவர்களுக்கு அழைப்பு இல்லை என்றும் ஆத்மி கட்சியின் மூத்த தலைவர் கோபால்ராய் என்பவர் அறிவித்துள்ளார் இந்த அறிவிப்பு அனைவரையும் ஆச்சரியப்படுத்தி உள்ளது என்பது குறிப்பிடத்தக்கது