உலகம் முழுவதும் கொரோனாவுக்கு எதிராக தடுப்பூசி போடப்பட்டு வரும் நிலையில் இந்த தடுப்பூசிகள் பிற வைரஸுக்கு எதிராகவும் செயல்படுவதாக அமெரிக்கா ஆய்வு நிறுவனம் தெரிவித்துள்ளது.
உலகம் முழுவதும் கிட்டத்தட்ட இரண்டு ஆண்டுகளாக கொரோனா பாதிப்புகள் நீடித்து வரும் நிலையில் உலக நாடுகள் தடுப்பூசி போடுவதை தீவிரப்படுத்தியுள்ளன. இதனால் பல நாடுகளில் கொரோனா பாதிப்பு வேகமாக குறைந்து வருகிறது.
இந்நிலையில் அமெரிக்காவின் பீன்பெர்க் மருத்துவ பல்கலைகழகம் கொரோனா தடுப்பூசிகள் குறித்த ஆய்வை மேற்கொண்டுள்ளது. இதுகுறித்து அப்பல்கலைகழகம் வெளியிட்டுள்ள அறிக்கையில் இந்த தடுப்பூசிகள் கொரோனாவை மட்டுமல்லாமல் அதன் குடும்பமான சார்ஸை சேர்ந்த அனைத்து வைரஸ்களுக்கு எதிராகவும் செயலாற்றுவதாக தெரிவித்துள்ளது. மேலும் எவ்வளவு காலம் இந்த எதிர்ப்பு சக்தி உடலில் இருக்கிறது என்பது குறித்து ஆய்வு செய்து வருவதாக கூறப்பட்டுள்ளது.