இஸ்ரேல் மற்றும் ஹமாஸ் இயக்கத்தின் இடையே நடைபெற்று வரும் போர் காரணமாக உலகம் முழுவதும் உள்ள ஐடி நிறுவனங்கள் பெரும் பொருளாதார இழப்பை சந்திக்கும் என ஜோஹோ நிறுவனத்தின் ஸ்ரீதர் வேம்பு தெரிவித்துள்ளது பெரும் அதிர்ச்சியை ஏற்படுத்தி உள்ளது.
ஏற்கனவே உக்ரைன் - ரஷ்யா போர் காரணமாக பல ஐடி நிறுவனங்கள் பெரும் இன்னல்களை சந்தித்த நிலையில் தற்போது இஸ்ரேல் ஹமாஸ் இடையிலான போர் இன்னும் நிலையை மோசமாக்கும் என்றும் அவர் தெரிவித்துள்ளார்.
ஐடி நிறுவனங்களுக்கு ஏற்கனவே கடன்கள் அதிகரித்து வரும் நிலையில் இந்த போர் மேலும் சில பொருளாதார இழப்பை ஏற்படுத்தும் என்றும் கூறிய அவர் இஸ்ரேல் போர் தொடர்ந்தால் இஸ்ரேலில் உள்ள ஐடி நிறுவனங்கள் இந்தியா உள்பட ஒரு சில நாடுகளுக்கு மாறுவதற்கும் வாய்ப்பு உண்டு என்று அவர் தெரிவித்தார்.
இஸ்ரேல் நாட்டில் பல முன்னணி ஐடி நிறுவனங்களின் கிளைகள் இருக்கும் நிலையில் தற்போது அந்த ஐடி நிறுவனங்கள் செயல்படாமல் இருப்பதால் பெரும் இழப்பு ஏற்பட்டுள்ளதாகவும் இந்த நிலை தொடர்ந்தால் ஐடி நிறுவனங்கள் மாற்றப்பட வாய்ப்பு இருப்பதாகவும் அவர் தெரிவித்துள்ளார்.