இலங்கை கிரிக்கெட் வீரர் முத்தையா முரளிதரனின் வாழ்க்கை வரலாற்று படமான “800” படத்தில் விஜய் சேதுபதி நடிப்பதற்கு கடும் கண்டனங்கள் எழுந்துள்ளன. கடந்த சில நாட்களாகவே இந்த பிரச்சினை விஸ்பரூபம் கண்டு வரும் நிலையில் விஜய் சேதுபதி இதுகுறித்து நேரடியாகவோ, சமூக வலைதளத்திலோ எந்த கருத்தோ, விளக்கமோ அளிக்காமல் மௌனம் காத்து வருகிறார்.
இந்நிலையில் அவர் நடித்த கருப்பன் படத்தை இயக்கிய இயக்குனர் பன்னீர் செல்வத்தின் புதிய படமான “ஐஸ்வர்யா முருகன்” என்ற படத்தின் ட்ரெய்லரை தற்போது ட்விட்டர் வாயிலாக விஜய் சேதுபதி வெளியிட்டுள்ளார். இந்த நிலையில் அந்த பதிவின் கமெண்ட் செக்ஷனில் வந்த அவரது ரசிகர்கள் பலர் “அண்ணா நீங்க 800 படத்துல நடிக்காதீங்க அண்ணா” என்று அன்பு கோரிக்கைகளை விடுக்க தொடங்கியுள்ளனர்.
