தளபதி விஜய் நடித்த ’லியோ’ திரைப்படம் சமீபத்தில் வெளியான நிலையில் இந்த படத்தின் 12 நாட்கள் வசூல் எவ்வளவு என்பது குறித்து அறிவிப்பை தயாரிப்பாளர் அதிகாரப்பூர்வமாக தெரிவித்துள்ளார்
தளபதி விஜய் நடிப்பில், லோகேஷ் கனகராஜ் இயக்கத்தில், அனிருத் இசையில், லலித் தயாரிப்பில் உருவான திரைப்படம் ’லியோ’. இந்த படம் சமீபத்தில் வெளியாகி மிகப்பெரிய வெற்றி பெற்ற நிலையில் முதல் நாள் இந்த படம் 148 கோடி வசூலித்ததாக அறிவிக்கப்பட்டது.
இந்த நிலையில் 200 கோடி, 300 கோடி, 400 கோடி, 500 கோடி என வசூலித்ததாக கூறப்பட்ட நிலையில் தற்போது 12 நாட்களில் இந்த படம் 540 கோடி வசூல் செய்துள்ளதாக அறிவிக்கப்பட்டுள்ளது. இது குறித்த போஸ்டர் வெளியாகி உள்ள நிலையில் இந்த போஸ்டர் இணையத்தில் வைரல் ஆகி வருகிறது என்பது குறிப்பிடத்தக்கது.
ரஜினிகாந்த் நடித்த ஜெயிலர் திரைப்படம் 600 கோடிக்கு மேல் வசூல் செய்த நிலையில் அந்த சாதனையை ’லியோ’ பின்னுக்கு தள்ளுமா என்பதை பொறுத்திருந்துதான் பார்க்க வேண்டும்.