கமல்ஹாசன், மணிரத்னம் கூட்டணியில் உருவாகி வரும் 'தக் லைஃப்' படத்தின் மீது மிகப்பெரிய அளவில் எதிர்பார்ப்பு உள்ளது. இதில் கமல்ஹாசன், சிம்பு திரிஷா, ஜோஜு ஜார்ஜ், கௌதம் கார்த்திக், சிம்பு, அசோக் செல்வன் மற்றும் ஐஸ்வர்யா லஷ்மி உள்ளிட்டோர் நடிக்கின்றனர். ஏ ஆர் ரஹ்மான் இசையமைக்கிறார். கமல்ஹாசன், உதயநிதி ஸ்டாலின் மற்றும் மணிரத்னம் ஆகிய மூவரும் இணைந்து தயாரிக்கின்றனர்.
இந்த படத்தின் ஷூட்டிங் டெல்லி, ராஜஸ்தான் ஆகிய பகுதிகளில் நடந்த நிலையில் பின்னர் சென்னையில் செட் அமைக்கப்பட்டு முக்கியக் காட்சிகள் படமாக்கப்பட்டன. கமல்ஹாசன் சம்மந்தப்பட்ட காட்சிகள் அனைத்தும் படமாக்கப்பட்டு விட்டன. இன்னும் சில நாட்களில் சிம்பு உள்ளிட்டோர் காட்சிகள் படமாக்கப்பட்டு மொத்த படமும் நிறைவடையும் என சொல்லப்படுகிறது.
முதலில் இந்த படம் டிசம்பர் மாதத்தில் ரிலீஸாகும் என சொல்லப்பட்ட நிலையில் இப்போத் அடுத்த ஆண்டு ஏப்ரல் மாதம்தான் ரிலீஸாகும் என சொல்லப்படுகிறது. கமல்ஹாசன் தற்போது அமெரிக்காவுக்கு மூன்று மாத சுற்றுலா சென்றுள்ளார் என்பது குறிப்பிடத்தக்கது.