எங்கள் முதுகுக்குப் பின்னால் பேசுபவர்கள் பற்றி கவலையில்லை.. தனுஷ் தந்தை கஸ்தூரி ராஜா ஆவேசம்!

இயக்குனர் விக்னேஷ் சிவன் மற்றும் நடிகர் நயன்தாரா திருமணம் கடந்த 2022 ஆம் ஆண்டு ஜூன் மாதம் 9 ஆம் தேதி நடைபெற்றது. மகாபலிபுரத்தில் உள்ள ரிசார்ட் ஒன்றில் நடைபெற்ற இந்த திருமணத்தின் வீடியோ ஒரு ஆவணப்படமாக உருவாகி இன்று நெட்பிளிக்ஸில் ரிலீஸாகியுள்ளது.

இந்த திருமணம் முடிந்து இரண்டு ஆண்டுகள் தாமதமாக இந்த வீடியோ வெளியாக நடிகரும் நானும் ரௌடிதான் படத்தின் தயாரிப்பாளருமான தனுஷ்தான் காரணம் என நயன்தாரா குற்றம் சாட்டினார். நானும் ரௌடிதான் காட்சிகளைப் பயன்படுத்த அனுமதி கேட்ட நிலையில் 2 ஆண்டுகளாக அதற்கு அனுமதிக்காமல் இழுத்தடித்தார் என்று கூறினார்.

இது சம்மந்தமாக தனுஷ் மற்றும் நயன்தாராவுக்கு ஆதரவாகவும், எதிராகவும் சமூக ஊடகங்களில் சர்ச்சைகள் எழுந்தன. இந்நிலையில் தனுஷின் தந்தையும் இயக்குனருமான கஸ்தூரி ராஜா “எங்கள் முதுக்குப் பின்னால் பேசுபவர்கள் பற்றி கவலையில்லை. எங்களுக்கு நிறைய வேலை உள்ளது. அவர் சொல்வது போல இரண்டு ஆண்டுகள் காத்திருந்தேன் என்பதெல்லாம் பொய். இது குறித்து எதுவும் பேச நாங்கள் விரும்பவில்லை. நானும் எனது மகனும் இப்போது வேலையில் மட்டுமே கவனம் செலுத்துகிறோம்” எனக் கூறியுள்ளார்.