இயக்குனர் பாலச்சந்தரின் 91 ஆவது பிறந்தநாள் கடந்த சில தினங்களுக்கு முன்னர் கொண்டாடப்பட்டது.
இயக்குனர் சிகரம் பாலச்சந்தரின் பிறந்தநாளை க்ளப்ஹவுஸ் உரையாடலாக அவரின் அனுதாபிகள் ஏற்பாடு செய்தனர். அந்த உரையாடலில் சுமார் 600 பேருக்கு மேல் கலந்துகொண்டனர். அப்போது பலரும் பாலச்சந்தரின் அருமை பெருமைகளை பேசி பாராட்டினர். அப்போது பாலச்சந்தரின் எந்த படத்தை இப்போதைய காலகட்டத்தில் ரீமேக் செய்யலாம் என்ற கேள்வி எழுப்பப்பட்டது.
அதற்கு பெரும்பாலோனோர் மூன்று முடிச்சு திரைப்படத்தை சொல்லி அதில் நாயகியாக நடிக்க நயன்தாராவை நடிக்க வைத்தால் சிறப்பாக இருக்கும் என சொல்லியுள்ளாராம். இந்த உரையாடலில் கலந்து கொண்ட பாலச்சந்தரின் மகள் புஷ்பா கந்தசாமி எல்லாம் நன்றாக அமைந்தால் நான் இந்த படத்தை தயாரிக்க தயாராக இருக்கிறேன் எனக் கூறியுள்ளாராம்.