திமுக எம்.பி.திருச்சி சிவாவை டெல்லி விமான நிலையத்தில் கன்னத்தில் அறைந்த சசிகலா புஷ்பா விவகாரம் விஸ்வரூபம் எடுத்து வருகிறது.
இன்று மாநிலங்களவையில் பேசிய அவர் அதிமுக தலைமை தன்னை ராஜினாமா செய்ய வற்புறுத்தியதாகவும், தன்னை அடித்ததாகவும் கூறி பரபரப்பை ஏற்படுத்தினார். இதற்கு அதிமுக உறுப்பினர்கள் கடும் எதிர்ப்பு தெரிவித்தனர்.
இதனையடுத்து அதிமுக தலைமையை குற்றம்சாட்டி பல தகவல்களை கூறி பேட்டியளித்தார் சசிகல புஷ்பா. இந்நிலையில் நெல்லை அருகே உள்ள சசிகலா புஷ்பாவின் வீடு மீது மர்ம நபர்கள் கல்வீசி தாக்குதல் நடத்தியுள்ளனர். இது சசிகலா புஷ்பா கணவர் லிங்கேஷ்வரனின் பூர்வீக வீடாகும். முன்னதாக மாநில அரசால் தனக்கு ஆபத்து உள்ளதால் தனக்கு பாதுகாப்பு வழங்க வேண்டும் என அவர் மாநிலங்களவையில் பேசினார்.