நீதியரசர் ஆறுமுகசாமி தலைமையில் ஜெயலலிதா மரணம் குறித்த விசாரணை கமிஷன் நடைபெற்று வருகிறது. ஜெயலலிதாவுக்கு சிகிச்சை அளித்த மருத்துவர்கள் மற்றும் அப்போலோ நிறுவனத்திடம் விசாரணை நடத்தப்பட்டு வருகிறது. ஆர்.கே.இடைத்தேர்தலுக்கு முதல்நாள் டிடிவி தினகரன் ஆதரவாளர் வெற்றிவேல் ஜெயலலிதா சிகிச்சை வீடியோவை வெளியிட்டார்.
இந்த வீடியோ வெளியாகி பெரும் பரபரப்பை ஏற்படுத்தியது. இதைத்தொடர்ந்து இளவரசி மகள் கிருஷ்ணபிரியா, இந்த வீடியோ ஓரிஜினல் வீடியோவில் இருந்து சில நொடிகள் மட்டுமே வெட்டி எடுக்கப்பட்டு வெளியிடப்பட்டுள்ளது என்று கூறினார்.
தினகரன் 7 நாட்களுக்கு ஆவணங்களையும், ஆதாரங்களையும் சம்ர்பிக்க வேண்டும் என்று விசாரணை ஆணையம் உத்தரவிட்டுள்ளது. மேலும், கிருஷ்ணபிரியா வரும் 2ஆம் தேதி நேரில் ஆஜராகி ஜெயலலிதா வீடியோ குறித்த தகவல்களை தெரிவிக்க வேண்டும் என்றும் உத்தரவிடப்பட்டுள்ளது.
