உலகக்கோப்பை கிரிக்கெட் போட்டியில் 41வது லீக் போட்டியில் இங்கிலாந்து அணி நியூசிலாந்து அணியை 119 ரன்கள் வித்தியாசத்தில் வீழ்த்தி அரையிறுதிக்கு தகுதி பெற்றது.
இந்த போட்டியில் முதலில் பேட்டிங் செய்த இங்கிலாந்து அணி 50 ஓவர்களில் 8 விக்கெட்டுக்கள் இழப்பிற்கு 305 ரன்கள் குவித்தது. 306 ரன்கள் என்ற இமாலய இலக்கை நோக்கி விளையாடிய நியூசிலாந்து அணி, இங்கிலாந்து பந்துவீச்சுக்கு தாக்குப்பிடிக்க முடியாமல் 45 ஓவர்களில் 186 ரன்களுக்கு சுருண்டது. இதனால் அந்த அணி 119 ரன்கள் வித்தியாசத்தில் தோல்வி அடைந்தது.