அரசியல் படத்தை வெளியிடும் யுவன் சங்கர் ராஜா

ராணா டகுபதி நடித்துள்ள அரசியல் படத்தை, இசையமைப்பாளர் யுவன் சங்கர் ராஜா வெளியிடுகிறார்.

ராணா டகுபதி நடிப்பில் வெளியான தெலுங்குப் படம் ‘நேனே ராஜு நேனே மந்த்ரி’. அரசியலை மையப்படுத்தி எடுக்கப்பட்ட இந்தப் படம், தமிழில் டப் செய்யப்பட்டு, ‘நான் ஆணையிட்டால்’ என்ற பெயரில் வெளியிடப்படுகிறது. பெரும்பாலான காட்சிகளை டப் செய்த இயக்குநர், தமிழ்ப் படம் போலத் தெரியவேண்டும் என்பதற்காக, காமெடி நடிகர்கள் மயில்சாமி மற்றும் ஜெகனை வைத்து சில காட்சிகளைத் தமிழில் ஷூட் செய்துள்ளனர்.
இந்தப் படத்தை, யுவன் சங்கர் ராஜாவின் ‘YSR’ நிறுவனமும், ‘பாகுபலி’ படத்தை வெளியிட்ட ‘K’ நிறுவனமும் இணைந்து ‘KYITE’ என்ற நிறுவனத்தின் பெயரில் வெளியிடுகின்றன. இந்த நிறுவனம், நயன்தாரா நடித்துவரும் ‘கொலையுதிர் காலம்’ உள்ளிட்ட பல தமிழ்ப் படங்களை ரிலீஸ் செய்ய இருக்கிறது.