நடப்பு ஐபிஎல் தொடர் பரபரப்பாக நடந்து வரும் நிலையில் சென்னை சூப்பர் கிங்ஸ் அணி பரிதாபகரமான ஆட்டத்தை வெளிப்படுத்தி புள்ளிப் பட்டியலில் கடைசி இடத்தில் உள்ளது. கேப்டன் ருத்துராஜ் கையில் ஏற்பட்ட எலும்பு முறிவு காரணமாக எஞ்சிய போட்டிகளில் இருந்து விலகினார். அவருக்குப் பதில் தோனி மீண்டும் கேப்டன் பொறுப்பை ஏற்றுள்ளார். ஆனாலும் ‘எந்தப் பயனும் இல்லை’ என ரசிகர்கள் புலம்பித் தவிக்கின்றனர்.
இதன் காரணமாக தோனி இந்த சீசனோடு ஐபிஎல் தொடரில் இருந்து ஓய்வு பெறவேண்டும் எனக் கருத்துகள் எழுந்துள்ளன. ஆனால் அதே நேரத்தில் அவர் தொடர்ந்து விளையாட வேண்டும் என்றும் சிலர் கூறி வருகின்றனர். நேற்றையப் போட்டியில் டாஸ் போடும் போது டேனி மோரிசன் “உங்களுக்குக் கிடைக்கும் வரவேற்பைப் பார்க்கும் போது அடுத்த சீசனிலும் விளையாடுவீர்களா?’ என்ற கேள்வியை எழுப்பினார்.
