கபாலி, காலா ஆகிய இரண்டு படங்களை சூப்பர் ஸ்டார் ரஜினியை வைத்து இயக்கியவர் இயக்குநர் பா.ரஞ்சித். இவ்விரண்டு படங்களிலும் தனக்கென்று தனி முத்திரை பதித்தார். இந்நிலையில் பா.ரஞ்சித் அடுத்து ஒரு ஹிந்தி படம் இயக்கப்போவதாக சில ஆண்டுகளுக்கு முன்பு அறிவித்திருந்தார். அந்த படம் ஒடுக்கப்பட்ட மக்களுக்காக போராடிய பிர்சா முண்டாவின் வாழ்க்கை வரலாற்று படமாக இருக்கும் எனவும் அறிவிக்கப்பட்டது. ஆனால் காலா படத்தின் வசூல் ரீதியான தோல்வியால் அந்த படம் தள்ளி வைக்கப்பட்டதாக சொல்லப்பட்டது.
