மலையாள சினிமாவின் சூப்பர் ஸ்டார் நடிகர்களில் ஒருவர் பிருத்விராஜ். இவர் தனது முதல்படமாக மோகன்லாலை வைத்து லூசிபர் படத்தை இயக்கி பிளாக்பஸ்டர் ஹிட் கொடுத்தார். ஆனால் அதன் பின்னர் நடிப்பில் மீண்டும் கவனம் செலுத்த தொடங்கினார்.
லூசிபர் படத்துக்குக் கிடைத்த வெற்றியை அடுத்து சில ஆண்டுகளுக்கு முன்னர் பிருத்விராஜ் மற்றும் மோகன்லால் கூட்டணியில் உருவாவதாக இருந்த எம்பூரான் திரைப்படம் (லூசிபர் 2) திரைப்படம் தொடங்கப்படுவதாக அறிவிப்புகள் வெளியாகின. ஆனால் அந்த படம் அடுத்த கட்டத்துக்கு நகரவில்லை.
இந்நிலையில் இப்போது லூசிபர் 2 திரைப்படம் மீண்டும் தொடங்கப்படுவதாகவும், அந்த படத்தை லைகா புரொடக்ஷன்ஸ் நிறுவனம் தயாரிக்க உள்ளதாகவும் சொல்லப்படுகிறது.