யூடியூபர் டிடிஎஃப் வாசன் அதிவேகமாக மோட்டார் பைக் ஓட்டி அதை வீடியோவாக எடுத்து போட்டு இளைஞர்கள் மத்தியில் பிரபலமானவர். அதிலும் அவர் வீடியோக்களில் வேகமாக பைக் ஓட்டுவது, கையைவிட்டு, ஓட்டுவது, விபத்து ஏற்படும்படி வாகனங்களை இயக்குவதாக சமீபத்தில் இவர் மீது புகார் எழுந்தது.
இந்நிலையில் சில வருடங்களுக்கு முன்னர் அவர் நடிக்கும் மஞ்சள் வீரன் என்ற படத்தின் முதல் லுக் போஸ்டர் வெளியாகி கவனம் பெற்றது. ஆனால் போஸ்டர் வெளியானதோடு சரி, படத்தின் ஷூட்டிங் ஒருநாள் கூட நடக்கவில்லை என சொல்லப்பட்டது. இந்நிலையில் பத்திரிக்கையாளர் சந்திப்பை நடத்தி படத்தில் இருந்து வாசனை நீக்கிவிட்டோம் என அறிவித்துள்ளார். படத்துக்கு அவர் ஒத்துழைக்கவில்லை என்பதால்தான் அவரை நீக்கியதாக செல்அம் தெரிவித்தார். இதையடுத்து தன்னிடம் சொல்லாமல் எப்படி பத்திரிக்கையாளர்களிடம் அறிவிக்கலாம் எனக் கோபப்பட்டு பேசியிருந்தார் வாசன்.
இந்நிலையில் மஞ்சள் வீரன் படத்தின் தயாரிப்பாளர் பேசும்போது “மஞ்சள் வீரன் படமே கிரிஞ்ச்தான். இயக்குனர் செல்லம் அவரின் ‘திருவிக பூங்காவில் இருந்த 10 வசனங்களை எடுத்து இதில் வைக்கப் பார்த்தார். நல்ல வேளை இப்போது நாங்கள் தப்பித்து விட்டோம்” எனப் பேசியுள்ளார்.