தமிழ் சினிமாவில் 90 களில் ரஜினி, கமல், கார்த்தி, சரத்குமார் என முன்னணி ஹீரோக்களுக்கு ஜோடியாக நடித்தவர் குஷ்பு. இவர் தற்போது, பாஜகவில் இணைந்து பணியாற்றி வருகிறார்.
சமீபத்தில் தனது உடல் எடையைக் குறைத்த அவரது புகைப்படத்தை சமூக வலைதளப் பக்கத்தில் பதிவிட்டிருந்தார். இது வைரலாகி, இதுவா குஷ்புவா என்று அனைவரும் ஆச்சர்யத்தில் கேட்டனர்.
இந்த நிலையில், இயக்குனர் சுந்தர் சி- குஷ்பு தம்பதியரின் மூத்த மகள் அவந்திகா சினிமாவில் நடிக்கவுள்ளதாக குஷ்பு தெரிவித்துள்ளார்.
அதில், லண்டனில் என் மகள் தனது படிப்பை நிறைவுசெய்துள்ளார். இதையடுத்து அவர் சினிமாவில் தன் பயணத்தைத் தொடங்கவுள்ளார். அவருக்கு நான் பரிந்துரை செய்யப்போவதில்லை, உங்கள் அனைவரின் ஆசீர்வாதமும் அவருக்கு வேண்டும் எனத் தெரிவித்துள்ளார்.
பலரும் அவருக்கு வாழ்த்தும் பாராட்டும் தெரிவித்து வருகின்றனர்.