சிவகார்த்திகேயன் தயாரிப்பில் ஐஸ்வர்யா ராஜேஷ் கதாநாயகியாக நடித்த கனா திரைப்படத்தின் இருபாடல்கள் யுடியூபில் சாதனை ஒன்றை நிகழ்த்தியுள்ளது.
நடிகர் சிவகார்த்திகேயன் தயாரிப்பில் அவரது நண்பர் அருண்ராஜா காமராஜா இயக்கிய கனா திரைப்படம் 2018 ஆம் ஆண்டு கிறிஸ்துமஸ் அன்று வெளியானது. தமிழின் முதல் பெண்கள் கிரிக்கெட்டை மையப் படமாக உருவான அந்த திரைப்படம் மிகப்பெரிய வெற்றி பெற்றது. அதுமட்டுமில்லாமல் கனா படத்தின் பாடல்கள் அனைத்தும் ரசிகர்கள் முனுமுனுக்கும் அளவுக்கு ஹிட்டாகின.
குறிப்பாக ’வாயாடி பெத்த புள்ள’ மற்றும் ’ஒத்தையடி பாதையிலே’ ஆகிய இரு பாடல்களும் மிகப்பெரிய அளவில் ஹிட்டாகின. இந்நிலையில் இரண்டு ஆண்டுகளில் அந்த இரண்டு பாடல்களும் யு டியூபில் தலா 10 கோடி பேரால் பார்க்கப்பட்டுள்ளன. தமிழ் சினிமாவில் ஒரே படத்தைச் சேர்ந்த இரு பாடல்கள் இந்த சாதனையை நிகழ்த்துவது இதுவே முதல் முறை. இது குறித்து இந்த படத்தின் தயாரிப்பாளர் சிவகார்த்திகேயன் டிவிட்டரில் மகிழ்ச்சியை வெளிப்படுத்தியுள்ளார்.