RRR படத்தின் வெற்றிக்கு பிறகு ஜூனியர் என் டி ஆரின் மார்க்கெட் எக்கச்சக்கமாக எகிறியுள்ளது. அடுத்து இயக்குனர் கொரடலா சிவா இயக்கத்தில் உருவாகும் ஜூனியர் என்டிஆர் நடிக்கிறார். ஜூனியர் என்டிஆர் 30 என்ற படத்தின் இசையமைப்பாளராக அனிருத் ஒப்பந்தமாகியுள்ளார். கதாநாயகியாக ஜான்வி கபூர் நடிக்கிறார்.
இதையடுத்து ஜூனியர் என் டி ஆர் இப்போது நேரடி இந்திப் படம் ஒன்றில் நடிக்க ஒப்பந்தம் ஆகியுள்ளார். யாஷ் ராஜ் பிலிம்ஸ் தயாரிக்கும் இந்த படத்தில் ஹ்ருத்திக் ரோஷன் மற்றும் ஜூனியர் என் டி ஆர் இருவரும் இணைந்து வார் 2 படமாக உருவாக உள்ளது. முதல் பாகத்தில் ஹ்ருத்திக் ரோஷனோடு, டைகர் ஷ்ராஃப் நடித்திருந்தார் என்பது குறிப்பிடத்தக்கது.